Dağlıq Qarabağ münaqişəsi ətrafında gərgin vəziyyət yaranıb. İşğalçı Ermənistan təxribatçı və məsuliyyətsiz davranışları danışıqlar prosesinin tamamilə dayanmasına və vəziyyətin kritik həddə çatmasına səbəb olub. Danışıqların formatını və mahiyyətini məqsədyönlü şəkildə pozan ermənistan Azərbaycanın daha çox ərazilərini işğal etmək üçün yeni hücuma başlayır.           Görünən odur ki, Ermənistan BMT təhlükəsizlik şurasının 1993 – cü ildə qəbul edilmiş 4 qətnaməsinə əməl etmək, silahlı qüvvələrini işğal edilmiş Azərbaycan torpaqlarında tam, dərhal və qeyd – şərtsiz çıxarmaq əvəzinə, beynəlxalq hüququn prinsiplərin tapdalayaraq yeni əraziləri zəbt etmək niyyətindədir. Belə olan halda beynəlxalq qurumlar dərhal hərəkətə keçməli, təcavüzkarı durdurmalıdırlar. Nəhayət dünya birliyi Ermənistanın regionda təhlükəsizliyə ciddi təhdid olan addımları ilə bağlı konkret mövqey bildirməlidir. İşğalçı tərəfə hüquqi siyasi təzyiqlər göstərmədikcə, ona qarşı ciddi sanksyalar tədbiq edilmədikcə ermənistan daha da azğınlaşır.            Belə olan halda ölkəmizdə olan siyasi partiyalar birliyi daha da güclənib. Partiya rəhbərləri ölkə başçısına onun ətrafında sıx birləşdiklərini Prezidentə dəstək olduqlarını bildiriblər. Azərbaycanın siyasi partiyaları Ali Baş Komandan Prezident İlham Əliyevin ölkəmizin ərazi bütövlüyünün və əhalinin təhlükəsizliyinin təmin olunması, hər cür erməni fitnəsi və təxribatlarının qarşısının alınması istiqamətində həyata keçirdiyi siyasəti qətiyyətlə dəstəkləyir, onun ətrafında sıx birləşdiyini bəyan ediblər. Siyasi partiya rəhbərləri xalqımızı həmrəyliyə, vətənimizə qarşı uzadılan qanlı erməni əllərini qətiyyətlə kəsib atmağa hər an hazır olmağa səsləyiblər. Şərəfli tarixi olan ordumuzla qürur duyub, onunla bir olduqlarını ifadə ediblər. Bildiriblər ki, Möhtərəm Prezidentimiz və Ali Baş Komandanımızı əmin edirik ki, hər birimiz vətənimizin şərəfi və namusu yolunda onun istənilən tapşarığını hər an yerinə yetirməyə hazırıq.Tovuz Zeynalova,Xocalı rayonundan şəhid ailəsi